***Бог Господь: Бог Господь и явися нам, благословен грядый во имя Господне. Стих 1. Исповедайтеся Господеви, яко благ, яко в век милость Его. Бог Господь и явися нам, благословен грядый во имя Господне. Стих 2. Обышедше обыдоша мя, и именем Господним противляхся им. Бог Господь и явися нам, благословен грядый во имя Господне. Стих 3. Не умру, но жив буду, и повем дела Господня. Бог Господь и явися нам, благословен грядый во имя Господне. Стих 4. Камень, егоже небрегоша зиждущии, Сей бысть во главу угла, от Господа бысть Сей, и есть дивен во очесех наших. Бог Господь и явися нам, благословен грядый во имя Господне. Аллилуиа, аллилуиа, аллилуиа, слава Тебе Боже. (3) Господи помилуй, 3 ***Тропарь: Собезначальное Слово Отцу и Духови, от Девы pождшееся на спасение наше, воспоим, веpнии, и поклонимся, яко благоволи плотию взыти на кpест, и смеpть пpетеpпети, и воскpесити умеpшия славным воскpесением Своим. Слава: Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество в пренесение честных и многоцелебных мощей святителя и чудотворца Николая, якоже солнце незаходимое, возсия светозарными лучами, разгоняя тьму искушений же и бед от вопиющих верно: спасай нас, яко предстатель наш, великий Николае. И ныне: Еже от века утаеное и Ангелом несведомое таинство, Тобою, Богородице, сущим на земли явися Бог, в неслитном соединении воплощаем и, Крест волею нас ради восприим, имже воскресив первозданнаго, спасе от смерти души наша. ***ПОЛИЕЛЕЙ : Хвалите Имя Господне, хвалите, раби Господа. Аллилуиа, аллилуиа, аллилуиа. Благословен Господь от Сиона, живый во Иерусалиме. Аллилуиа, аллилуиа, аллилуиа. Исповедайтеся Господеви, яко Благ, яко в век милость Его. Аллилуиа, аллилуиа, аллилуиа. Исповедайтеся Богу Небесному, яко в век милость Его. Аллилуиа, аллилуиа, аллилуиа. Освящ себе житием совершенным, явился еси святитель Бога вышняго, от негоже укрепляемь, еретичествующих уста заградил еси: тем твое пренесение светло празднуем, Христа Бога величающе. Слава: Освящ себе житием совершенным, явился еси святитель Бога вышняго, от негоже укрепляемь, еретичествующих уста заградил еси: тем твое пренесение светло празднуем, Христа Бога величающе. И ныне: Безневестная чистая Богородице Дево, едина верных предстательство и покрове, бед, и скорбей, и лютых обстояний всех избави, на Тя упование, Отроковице, имущих, и души наша спаси Божественными мольбами Твоими. ***ВЕЛИЧАНИЕ: Величаем тя, Святый отче наш Николае - величаем; и чтим святую память Твою. Слава и ныне: Аминь Аллилуиа, аллилуиа, аллилуиа. Слава тебе Боже, (3) *** Господи помилуй, (3) ***АНТИФОН: От юности моея мнози борют мя страсти, но Сам мя заступи и спаси, Спасе мой. Ненавидящии Сиона, посрамитеся от Господа, яко трава бо огнем будете изсохше. Слава: Святым Духом всяка душа живится, и чистотою возвышается, светлеется Тройческим единством, священнотайне. И ныне: Святому Духу богословяще рцем: Ты еси Бог, Живот, Рачение, Свет, Ум: Ты Благостыня, Ты царствуеши во веки. ***СЛАВОСЛОВИЕ: Всякое дыхание да хвалит Господа. Тебе подобает песнь Богу. Хвалите Господа с Небес. Тебе подобает песнь Богу. Хвалите Господа с Небес, хвалите его в вышних. Тебе подобает песнь Богу. Хвалите его вси ангели его, хвалите его вся силы его. Тебе подобает песнь Богу. Хвалите его солнце и луна, хвалите его вся звезды и свет. Хвалите его Небеса Небес, и вода яже превыше Небес, да восхвалят имя Господне. Яко той рече, и быша: той повеле, и создашася. Постави я в век, и в век века: повеление положи, и не мимо идет. Хвалите Господа от земли змиеве, и вся бездны: Огнь, град, снег, голоть, дух бурен, творящая слово его: Горы и вси холми, древа плодоносна, и вси кедри: зверие и вси скоти, гади и птицы пернаты: царие земстии, и вси людие, князи, и вси судии земстии: Юноши и девы, старцы с юнотами да восхвалят имя Господне: яко вознесеся имя того единаго. Исповедание его на земли и на Небеси, и вознесет рог людей своих. Песнь всем Преподобным его, сыновом Израилевым, людем приближающимся ему. Воспойте Господеви песнь нову, хваление его в Церкви Преподобных. Да возвеселится Израиль о сотворшем его, и сынове сиони возрадуются о Царе своем: да восхвалят имя его в лице, в тимпане и _псалтири да поют ему. Яко Благоволит Господь в людех своих, и вознесет кроткия во Спасение. Стих: Восхвалятся Преподобнии во славе, и возрадуются на ложах своих. Возношения Божия в гортани их, и мечи обоюду остры в руках их: Стих: Сотворити отмщение во языцех, обличения в людех: Связати цари их путы, и славныя их ручными оковы железными. Стих: Сотворити в них суд написан: слава сия будет всем Преподобным его. Стих: Хвалите Бога во святых его, хвалите его во утвержении силы его. Стих: Хвалите Его на силах Его, хвалите Его по множеству величествия Его. Воззрев неуклонно на высоту разума, и узрев неявленныя премудрости глубину, и учении мир обогатил еси, отче, о нас присно молися Христу, святителю николае. Стих: Хвалите Его во гласе трубнем, хвалите Его во псалтири и гуслех. Человече Божий и верный угодниче, и строителю того таин, и мужу желаний духовных, столпе одушевленный, и вдохновенный образ, яко Божественное бо сокровище тя мирская Церковь чудящися прияла есть, и молитвенника о душах наших. Стих: Хвалите Его в тимпане и лице, хвалите Его во струнах и органе. Правило веры и образ кротости, яви тебе стаду твоему Христос Бог, святителю николае: в мирех убо благоухающу ти, всюду сияют светло Божественная твоя исправления, сирых и вдовиц предстателю. темже молися непрестанно, спасти души наша. Стих: Хвалите Его в кимвалех доброгласных, хвалите Его в кимвалех восклицания, всякое дыхание да хвалит Господа. Оч~е николае, мироположница мощей твоих миры обогащает, в нихже и связанныя неправедно осужденныя, во сне царю явлься, и твоим явлением свободил еси от смерти и уз, и темницы: но и ныне, якоже тогда, и присно явлением твоим явися, моляй о душах наших. Слава: Вострубим трубою песней, взыграем празднственная, и ликовствуем радующеся, в молебное торжество Богоноснаго отца, цари и князи да стекутся, иже сонным страшным явлением царя препирающа, неповинно держимыя три отпустити воеводы. да воспоют пастыри и учители, доброму пастырю подобноревнительна пастыря, сошедшеся восхвалим, иже в недузех врача, в бедах избавителя, грешнии заступника, нищии сокровище, и иже в скорбех утешителя, спутника путешествующии, на мори сущии правителя, и вси везде тепле предваряюща, великаго святителя восхваляюще, сице рцем: пресвятый николае, предвари и избави нас от настоящия беды, и спаси стадо твое молитвами твоими. И ныне: Душевныма очима ослеплен, к Тебе, Христе, прихожду, якоже слепый от рождения, покаянием зову Ти: Ты сущих во Тьме Свет пресветлый. СЛАВОСЛОВИЕ ВЕЛИКОЕ: Тебе слава подобает, Господи Боже наш, и тебе славу возсылаем, отцу, и Сыну, и святому Духу, ныне и присно, и во веки веков, аминь. Слава Тебе, показавшему нам свет Слава в вышних Богу, и на земли мир, в человецех Благоволение. Хвалим тя, Благословим тя, кланяем ти ся, славословим тя, Благодарим тя великия ради славы твоея. Господи Царю Небесный, Боже отче вседержителю, Господи Сыне единородный Иисусе Христе, и святый Душе. Господи Боже, агнче Божий, Сыне отечь, вземляй грех мира, помилуй нас: вземляй грехи мира, приими молитву нашу: седяй одесную отца, помилуй нас. Яко ты еси един свят, ты еси един Господь, Иисус Христос, во славу Бога отца, аминь. На всяк день Благословлю тя, и восхвалю имя твое во веки, и в век века. Сподоби Господи в день сей без греха сохранитися нам. Благословен еси Господи, Боже отец наших, и хвально и прославлено имя твое во веки, аминь. Буди Господи, милость твоя на нас, якоже уповахом на тя. Благословен еси Господи, научи мя оправданием твоим. (3) Господи, прибежище был еси нам в род и род. аз рех: Господи, помилуй мя, исцели душу мою, яко согреших тебе. Господи, к тебе прибегох, научи мя творити волю твою, яко ты еси Бог мой: яко у тебе источник живота, во свете твоем узрим свет. пробави милость твою ведущим тя. Святый Боже, святый крепкий, святый безсмертный, помилуй нас. Трижды. Слава, и ныне: Святый безсмертный, помилуй нас. Святый Боже, святый крепкий, святый безсмертный, помилуй нас. Слава: Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество в пренесение честных и многоцелебных мощей святителя и чудотворца Николая, якоже солнце незаходимое, возсия светозарными лучами, разгоняя тьму искушений же и бед от вопиющих верно: спасай нас, яко предстатель наш, великий Николае. И ныне: Душевныма очима ослеплен, к Тебе, Христе, прихожду, якоже слепый от рождения, покаянием зову Ти: Ты сущих во Тьме Свет пресветлый.